MENU
 BAYNTE-DOS (22) KA MGA PERSONS DEPRIVED OF LIBERTY KON PDL OG USA (1) KA BAG-ONG GAWAS SA PRESUHAN GIKAN SA TAGUM CITY JAIL (TCJ) ANG NAKADAWAT OG SUPORTA GIKAN SA DEPARTMENT OF LABOR AND EMPLOYMENT KON DOLE.
 
Gipaabot sa mga personahe sa DOLE Davao del Norte, nga gipangunahan sa ilahang Team Leader ANGELINA A TALINGTING ang hinabang aron sa kalambuan ug kabag-uhan sa mga PDL sa TCJ. Pinaagi sa simpleng seremonya nga gitambungan usab sa TCJ Jail Warden, JSINSP JUL AKBAR L JAMIRI ug mga personahe sa maong pasilidad, gi dasig sa warden ang mga pangandoy sa mga PDL nga mausab ang ilahang kinabuhi. Mapasalamaton usab sila sa mga nagpaabot sa ilang serbisyo ug ubang ahensya sa gobyerno, sama sa DOLE sa walay puas na suporta sa mga adbokasiya sa BJMP.
Gidawat sa tagsa-tagsang pamilya sa mga benepisyaryo ang starter kits nga nag kantidad og PHP 20, 000.00 nga gihatag pinaagi sa DOLE Integrated Livelihood Program (DILP). Kada kit adunay sulod nga mga gamit alang sa ilahang napiling negosyo sama sa Sari-Sari Store, Vulcanizing Shop, Karendirya, Welding Shop ug Small Poultry Business.